2Sa 22 | ZomZIV | STEP | TOPA in a galte khempeuh le Saul khut panin a hutkhiat ciangin David in hih lamalte TOPA tungah a sak hi.

2 Samuel 22

David’ Phatna La

1 TOPA in a galte khempeuh le Saul khut panin a hutkhiat ciangin David in hih lamalte TOPA tungah a sak hi. 2 Amah in: ^a

“TOPA in ka suangpi ka kulhpi le kei hong hukhiapa hi; ^b
3 Ka Pasian keima suangpi ka bukna;
ka lum le keima hotkhiatna ki ^{▼▼22.3 Hih lai-ah ki in thahatna lim hi.} ahi hi. ^d
Amah ka munkip, ka bukna le ka honpa hi in -
mi ngongtatte panin hong hon hi.
4 A phattak TOPA ka sam a ^e
ka galte panin kei hong honkhia hi.
5 “Sihna tuihual in ka tungah hong tuumin ^f
siatna tuikhang in kei hong tuam hi.
6 Hankhuk ^{▼▼22.6 Hebrew ah Sheol} khauhualte in kei hong vial a, ^h
sihna thangte ka mai-ah kikam hi.
7 Ka lungdon hunin TOPA ka sam a;
ka Pasian tungah ka kiko hi.
Amah in biakinnpi panin ka aw hong za a;
ka kikona a bilah a tung hi.
8 “Leitung lingin kisinga, ⁱ
vante ^{▼▼22.8 Hebrew, Vulgate le Syriac (Ph 18:7 zong en in) mualte} buppi kilok hi; ^k
amah heh ahi main amaute kiling uh hi.
9 A nakvang panin meikhu suakkhia a;
a kam panin a hultummei pusuakin, ^l
mei-am a lengkhia hi.
10 Amah’n vante phenvangin tuaksuk a;
a khenuai-ah meiivomte a kaii hi. ^m
11 Amah cherub-te tungah tuangin leng a;
huih khate tungah a leng ^{▼▼22.11 Hebrew khutgelh tampite (Ph 18:10 zong en in) Hebrew khutgelh khempeuh ah kilang} hi. ^o
12 Amah in khuamial bawlin ama khuamialpi-in ^{▼▼22.12 Septuagint le Vulgate (Ph. 18:11 en in) Hebrew ah honpi} umcih a -
tua in vana guahmeii mialte ahi hi.
13 Ama omna khuavakphatna
panin kektang a kuangkhia hi. ^q
14 Van panin TOPA in van gingsak a; ^r
Sangpenpa’ aw kithawn hi.
15 Amah in thaltangte kap-a galte kithehthang hi; ^s
kektangte-in kapa a taikek uh hi.
16 TOPA in tai-a
a nakvang panin phit-a
tuipi kuamte kipholaakin
leitung bulpite a kidawk hi.
17 “A sangna pan hong tuaksukin, kei hong zam a; ^t
tuithuk panin kei hong kaikhia hi. ^u
18 A vanglian ka galpa le
kei adingin a hatlua ka galte panin kei hong hukhia hi.
19 Ka tuahsiat ni-in kei hong maituah uh a,
ahi hangin TOPA in kei hong panpih hi. ^v
20 Mun tanzau khatah kei hong puakkhia hi; ^w
amah ka tungah lungkim ahi manin kei hong hukhia hi. ^x
21 “Ka thumaanna tawh kizui-in TOPA in kei hong thuk a; ^y
ka khut sianthona tawh kizui-in pahtakman hong pia hi. ^z
22 Ahang in TOPA lampi ka zui a ^aa
ka Pasian pialsanin gitlohna ka sem kei hi.
23 A thukhamte ka mai-ah om kim a,
ama thukipte panin ka pial kei hi. ^ab
24 A mai-ah paubaanna ka nei kei a, ^ac
mawhna ka bawl kei hi.
25 TOPA in ka thumaanna tawh kizui le ama muhna-a ka sianthona ^{▼▼22.25 Septuagint le Vulgate (Ph. 18:24 zong en in) ka khut sianna ah} tawh kizui-in,
pahtakman hong pia hi. ^ae
26 “A muanhuaite tungah na muanhuaina na kilak a,
a kawkbaang lote tungah na kawkbaanlohna lakin,
27 a siangthote tungah na sianthona na lak a, ^af
ahi hangin a thukawite tungah na khelteina na lak ding hi.
28 A kiniamkhiatte na hon a, ^ag
a kiphasak mithahte ahileh niamkhiat dingin na en gige hi. ^ah
29 TOPA aw, nang ka meivak na hi hi;
TOPA in ka khuamial khuavak a suaksak hi.
30 Nang huhna hangin galdo-in ^{▼▼22.30 Ahikeh kante ka kantan thei hi} ka kuankhia thei hi;
ka Pasian tawh kulh ka kan thei bek hi.
31 “Pasian adingin ama lampi hoih-kim a;
TOPA’ kammal in melhemna a nei kei hi. ^aj
Ama sunga bute khempeuh adingin
amah lum ahi hi. ^ak
32 Ahang in TOPA longal Pasian dang kua ahi hiam?
Eite Pasian longal Suangpi dang kua ahi hiam? ^al
33 Thahatna ^{▼▼22.33 Tuipi Si Laizial,Septuagint khutgelh, Vulgate le Syriac (Ph 18:32 zong en in) Masoretic ah kua in ka belhpi hiam} hong guana
ka lampi a hoihkimsak Pasian ahi hi.
34 Amah in ka khete sazuk khe bangsak a; ^an
asanna tungah kei hong dingsak hi. ^ao
35 Amah in ka khutte galsim nadingin sin a;
ka bante in sumngo thalpeu a kek zo hi.
36 Na gualzawhna lum kei nong pia a, ^ap
hong liansak dingin nong kunsuk hi.
37 Ka siakmit a kilawi loh nadingin
ka nuai-a lampi na zaisak hi. ^aq
38 “Ka galte nungdelhin ka hihzan a;
a kisiat metengun ka kileh kik kei hi.
39 Amaute ka hihzan kiuhkeuh a, a tho thei nawn kei uh hi;
amaute ka khe nuai-ah a puk uh hi.
40 Galsim dingin thahatna nong guan a;
ka galte ka khephungah na boksak hi. ^ar
41 Ka galte lau-in na lehtaisak a,
ka galte ka susia hi.
42 Amaute in huh ding ngen napi, a hon ding kuamah a om kei hi - ^as
TOPA ko uh a, amah’n lah a dawng kei hi.
43 Amaute leitunga leivui bangin ka satnen a;
kongzinga buannawi bangin sikzanin ka tuancil hi. ^at
44 “Ka mite hong simna panin nong hukhia a; ^au
minamte lutang dingin kei nong kembit hi.
Ka theih loh mite in ka na sem uh a, ^av
45 gamdang mite in ka thu a zak phetun kiniamkhiatin hong pai uh a, ^aw
ka thu a mang uh hi.
46 Amaute lunglel khin uh a;
a kulhpi ua kipanin ling ^{▼▼22.46 Septuagint pawlkhat le Vulgate (Ph. 18:45 zong en in) Masoretic Bupi amau le amah galvan a kithuam uh hi.} kawmin hong pai uh hi. ^ay
47 “TOPA nungta hi! Ka Suangpi kiphat hen!
Pasian tua Suangpi, ka Honpa, kitawisang hen! ^az
48 Amah ka phu hong laksakpa Pasian hi a,
minamte hong nuaisiahsakpa hi-in, ^ba
49 ka galte pana hong khahkhiapa ahi hi. ^bb
Ka galte tunglam ah kei nong tawisang a;
mingongtatte panin kei nong hukhia hi.
50 Tua ahi ciangin TOPA aw, minamte lakah nang kong phat ding hi;
na minphatna late ka sa ding hi. ^bc
51 Amah in ama kumpipa gualzawhna lianpi pia a; ^bd
ama sathau nilhsa David le ama suante tungah ^be
a bei ngei lo migitna a lak hi,” a ci hi. ^bf